Новости


15:33:11, 2021-07-12

Во среда,  прскање против комарци

Се известуваат сите граѓани дека на ден 14.07.2021 година (среда), во вечерните  часови почнувајќи од 21:00 часот ќе се изврши Теренско прскање против комарци на територија на општина Брвеница.
Се известуваат пчеларите да превземат соодветни мерки за заштита на пчелите. Во случај на неповолни временски услови, истото се одложува за наредниот ден.


21:55:44, 2021-07-01

Соопштение

Општина Брвеница апелира до граѓаните да бидат внимателни при движење на отворени места или за време на работни активности во шуми и други локации.
Поради опасност од пожари, особено се предупредува да не се палат стрништата, да не се пали оган на отворен простор и небезбедни површини, да не се фрлат шишиња и друга стаклена амбалажа, да не се гори отпад и да не се фрлат отпушоци од цигари во отворено.
Во исто време, ги потсетуваме граѓаните ако забележат сомнителни места каде има пожар или чад, веднаш да ги известат надлежните служби на општина Брвеница , да пријават на бесплатниот телефонски број 195 број за итни случаи на Центарот за управување со кризи или ТПП Пожарна Тетово.
Исто така, ги охрабруваме сите граѓанида пријават лица кои палат оган на оворено во најблиската Полициска станица или на телефонскиот број 192.
Внимание!
Потсетуваме дека предизвикување на пожари намерно или од човечка небрежност претставува кривично дело за кое законот предвидува строги законски санкции со парична казна и затвор до 10 години.


11:53:26, 2020-12-18

Известување од Кризниот штаб при општина Брвеница за борба и справување со #COVID19 

Во текот на изминатите 14 дена епидемиолошката состојба во врска со COVID19 во општина Брвеница  е следнава:

Вкупниот број на лица со дијагностициран #COVID19 од почетокот на пандемијата до денес е 300 (Брвеница 107, Челопек 57, Стенче 12, Милетино 40, Блаце 6, Радиовце 15, Теново 21, Дол.Седларце 35, Волковија 5 и Гургурница 2 ).

Од оваа бројка досега се опоравиле 256 лица, 7 починале, со што бројот на активни случаи во општина Брвеницае 37.

Во текот на минатата недела, според статистиката на Секторот за внатрешни работи Тетово и Полициската станица Жеровјане , Државниот санитарен и здравствен инспекторат во регионот на општина Брвеница, издаде 57 нови решенија за задолжителна изолација, кои редовно се контролират дали ја почитуват мерката и досега  не беа констатирани повреди или непочитување на горенаведените решенија.

Ние како Кризен штаб апелираме до сите случаи со Covid19, а особено постарите лица, како и оние со дополнителни здравствени проблеми, да побараат навремено лекување и здравствена заштита во центрите за лекување од Ковид 19.

Задоцнетиот третман и примање на терапии на своја рака само ја влошува здравствената состојба на заразените лица и се намалува нивото на  соодветно закрепнување во понатамошните фази кога болеста веќе е развиена и е во завршна фаза.

Според прогнозите на меѓународните здравствени власти како и оние во земјата, борбата против пандемијата на covid19 ќе продолжи и во наредните месеци, затоа ги замолуваме граѓаните да бидат уште повнимателни и посовесни во идниот период, почитувајќи ги сите протоколи и мерки за заштита.

 И овојпат ги повикуваме граѓаните да ги почитуваат заштитните мерки и протоколи, со цел да се регистрира намален број на нови случаи со #covid19, што ќе овозможи до одреден степен, нормализирање на секојдневниот живот, со што помалку ограничувања.


НАД ЕДЕН МИЛИОН ФРАНЦИ ЗА ЈАКНЕЊЕ НА ЛОКАЛНАТА ДЕМОКРАТИЈА ВО 18 ОПШТИНИ

Скопје, 17 декември, 2019 г. - Во рамките на проектот за зајакнување на општинските совети, Програмата за развој на обединетите нации (УНДП) потпиша договор за соработка со 18 општини:  Центар, Куманово, Брвеница, Желино, Гостивар, Струга, Кочани, Кавадарци, Могила, Ѓорче Петров, Тетово, Крушево, Вевчани, Зрновци, Чашка, Богданци, Битола и Берово.

Преку проектот, финансиран од Швајцарската агенција за развој и соработка, советниците од овие општини добиваат обуки и поддршка за планирање и трошење на општинските буџети согласно очекувањата на граѓаните, а секоја од општините ќе добие грант во висина од 50.000 швајцарски франци за приоритетни проекти кои ќе ги изберат граѓаните преку Форумите во заедницата.

„Проектот е сеопфатен бидејќи вклучува градење на капацитетите, финансиска поддршка и вмрежување на советниците, со цел да се постигне системска промена кај општинските совети“, рече Постојаната претставничка на УНДП, Нарине Сахакјан. „На овој начин општинските совети ќе станат поефикасни и посамостојно ќе можат да се справат со влијанијата на извршната власт исполнувајќи ги нивните улоги на одлучување, надзор и претставување“, додаде Сахакјан.

„Задоволни сме од партнерството со УНДП во напорите да се зајакне улогата на општинските совети и да им се овозможи соодветна обука, можности за вмрежување и професионална соработка, на национално и меѓународно ниво“, изјави амбасадорката на Швајцарија, Сибил Сутер Техада.

Покрај обуките за советниците и грантот од 50.000 швајцарски франци, секоја од општините ќе добие и грант во висина од 12.000 швајцарски франци за имплементација на иновативни IT решенија за зголемување на транспарентноста и отчетноста на општините, како и учеството на граѓаните во носењето одлуки на локално ниво.

„Политиката на Владата за подобрувањето на системот на локалната самоуправа е јасна, а во последните шест месеци, со активностите за продлабочување на процесот на децентрализација и многу актуелна. Крајната цел е оддржливи, ефективни и ефикасни општини, во служба на граѓаните, што всушност е и целта на овој проект. Транспарентно и отчетно работење кое што во центарот на вниманието секогаш ќе го има граѓанинот“, изјави заменик министерот за локална самоуправа, Дејан Павлески.

„Преку проектот се обезбедува континуирана поддршка на работата на Комисијата за следење на развојот на системот за финансирање на општините со подготовка на полугодишни и годишни извештаи за финансиското работење на општините, преку кои се следи напредокот на финансиската децентрализација“, изјави Ширет Елези, заменик-министерка за финансии.

Од 2017 година до сега, вкупно 24 општини се вклучени во програмата. Во Велес, Свети Николе, Чаир, Охрид, Струмица и Валандово веќе се реализираат проекти со кои се подобруват социјалните услуги за најранливите категории граѓани во овие општини.

Проектот, вреден 3,4 милиони швајцарски франци, е финансиран од Швајцарската агенција за развој и соработка и е имплементиран од УНДП во партнерство со Министерството за локална самоуправа, Министерството зa финансии, Заедницата на единиците на локалната самоуправа, Здружение на финансиски работници и UN Women.


КОНТАКТ ИНФОРМАЦИИ

                                                   

                                   Tел: 044/456-015

                                   E-маил: komuna@brvenica.gov.mk

                                   Градоначалник г. Енвер Пајазити

                                   kryetar@brvenica.gov.mk

                                                       

                                  Секретар г. Хаќим Рамадани

                                  sekretar@brvenica.gov.mk

                                   Груп е-маил до сите вработени

                                   brvenica@brvenica.gov.mk

                                   

УНДП Р. Северна Македонија

                                  УНДП Република Северна Македонија

                                  Финансиски индикатор
                                 Финансиски индикатори